Ақтауда ағымдағы жылдың қазан айынан бастап 16 шағын ауданда 905 метр кәріз және су құбыры желілері салынды.
Бұл туралы Ақтау қаласының әкімі Әбілқайыр Байдақов облыс әкімі Нұрдәулет Қилыбайдың қатысуымен өткен тұрғындармен кездесуде мәлімдеді, деп хабарлады қала әкімдігінің баспасөз қызметі.
Біздің қаламыз үшін ең өзекті мәселелердің бірі сумен жабдықтау, кәріз, жылыту, ішкі жолдар және осы жылдың қазан айында басталған 16 шағын ауданды абаттандыру болып қала береді.
"Бүгінгі таңда 16 шағын ауданда 905 метр кәріз және су құбыры желілері салынды, 29 кәріз және су құбыры құдықтары орнатылды. Құрылыс жұмыстары жалғасуда және инженерлік коммуникациялар аяқталғаннан кейін автомобиль және жаяу жүргіншілер жолдарының құрылысы басталады. Барлық жұмыстардың аяқталу мерзімі келесі жылдың тамыз айына жоспарланған. Алайда, заңсыз қоршаулар, үйлер арасындағы тосқауылдар және жол бойындағы қоқыс жәшіктері жоспарға сәйкес құрылыс жұмыстарын жүргізуге кедергі келтіреді. Шағын аудан тұрғындарынан құрылыс жұмыстарын уақтылы аяқтау үшін осы мәселелерді ретке келтіруді қолдауды сұраймын. Сонымен қатар, ағымдағы жылдың қыркүйек айынан бастап 15 шағын ауданды абаттандыру жалғасуда. №26, 27 және 28 тұрғын үйлердің айналасында автомобиль және жаяу жүргіншілер жолдары, сондай-ақ балалар ойын алаңы салынуда. Жұмыстар бөлінген қаражатқа байланысты кезең-кезеңмен орындалады. 35 шағын ауданда 1150 метр автомобиль жолдары салынды, 1730 метр су құбырлары, 803 метр жылу құбырлары және 381 метр кәріз құбырлары салынды", - деді Ақтау қаласының әкімі Әбілқайыр Байпақов.